मी तुला समजू शकलो नाही
तुझ प्रेम ओळखू शकलो नाही,
खंत एकच वाटते की
मी तुझा होऊ शकलो नाही.
आता कासावीस होतो जीव
आणि गुदमरतो श्वास,
मनात दाटून येतो
तुझ्या असण्याचा भास.
बंदिस्त केल्यात तुझ्या आठवणी
मनाच्या एका कोपर्‍यात
पण___नेहमीच त्या
उफाळुन वर येतात
आणि मग ___??
आणि मग___
सुरू होतो एक
जीवघेणा प्रवास
एका नि:शब्द यातनेचा
तुझ्यापासून
दूर नेणार्‍या
त्या
काटेरी वाटेवरचा.
या वाटेवरच्या
प्रत्येक वळणावर
माझी पावल
अडखळतात
ज्या वळणावर
तू भेटलीस
त्या वळणाची
आठवण करून देतात.
पण एक सत्य
कटू असल तरी
मनापासून मी
ते स्विकारलय.
तुझ्या रूपाने
जणू मी
स्वतःलाच
कायमच गमावलय.
लाभेल क्षणभर
नीरव शांतता पहाटेची
प्रतीक्षा आहे मला ….. आजही त्या क्षणाची…
प्रतीक्षा आहे मला ….. आजही त्या क्षणाची…
No comments:
Post a Comment