तारा...

का कधी कुणासाठी,


हा तारा तुटत असावा ?

माणसे मात्र किती वेडी,

तुटणाऱ्याकडेही इच्छा मागतात..

-

का तुटत असावा तो,

त्याचे कुणीच नसते का ?

समजू शकेल मानवी इच्छा,

इतकी प्रतिभा असते का ?

-

आपल्या इच्छां प्रमाणे,

त्याच्याही इच्छा असतील ना ?

नसतील होऊ शकत पूर्ण,

म्हणून तर तुटत नसेल ना ?

-

मी सुद्धा इतरांसारखाच

म्हटले बघू मागून एखादी इच्छा

खोटे वाटेल तुम्हाला

त्यानेच केली पूर्ण माझी इच्छा..

-

त्या तुटणाऱ्या ताऱ्यामुळेच

ती आज माझी झाली आहे

आजही तो सारखा तुटत असतो

सर्वांच्या इच्छा पूर्ण करत असतो...........