मी आता खुष आहे

मी आता खुष आहे

 

मी आता खुष आहे
कारण रोजच्या रोज
एक पुर्ण आयुष्य जगते
प्रत्तेक रात्री
एक नवे आयुष्य सुरु करते
फुलांच्या सेजवर
काही क्षण त्यातच रमते
पण जसजशी रात्र उलटते
तसे सुरु होतात
शापांनी बरबटलेले खेळ
मद्याच्या नशेत
वासनेच्या नजरेत
अन मग मी सुद्धा
चुरगळली जाते
पलंगवरील त्या फुलांसारखी
गंध देउन सुद्धा
पाकळी पाकळी विखुरलेली
त्यांना फ़क्त हवे असते
पुर्ण पुर्ण प्रेम
आम्ही त्याला सर्विस म्हणतो
अन ते सुद्धा ओरबडुन घेतात
पैश्याच्या बोलित मोजलेले प्रेम
पण पहाट होताच मावळते
ते आयुष्य, ते प्रेम
पण तरिसुद्धा
मी आता खुष आहे
ठरवले आहे आता
रडायचे नाही
नशीबावर कुंथायचे नाही
कारण,
प्रतिष्ठित म्हणवणार्‍या समाजात
आहे तरी आता कुठे प्रेम
असतो तो फ़क्त
एकाने दुसर्‍याशी केलेला
सौदा...............
स्वता:साठीचा........