सौंदर्याचा शब्दकोष तू …

ओठांच्या पाकळ्या फुलताना ,

त्यांना मी काय म्हणू ?

लाघवी हास्य ते,गुलाबाचे फुल जणू……..

घायाळ तुझ्या नयन तीरांनी ,

शुद्धीत कसा मी राहू ?

मादिरेच प्यालाच तो,शिंपल्यातील मोती जणू ………..

न्हालेल्या त्या केसांचा,

सुगंध कसा मी घेऊ ?

पावसाळी मेघ ते,मोरपंखांचा पिसारा जणू ……

गालावरची खळी तुझ्या,

नजरेत कसा या साठवू ?

सौंदर्याच्या मंदिराचा,सोनेरी तो कळस जणू …..

मखमली कांती तुझी ,

रंगात कसा मी सांगू ?

बदामी तारुण्य ते,केवड्याचे फुल जणू ………

हरिणीची चाल तुझी ,

शब्दात कसा मी रेखू ?

सडा पारिजातकाचा मागे , चंद्राची तू कोर जणू …….

मलमली तारुण्य तुझे ,

शब्दांत कसा मी बांधू ?

शब्दच रिते माझे, सौंदर्याचा शब्दकोष तू ………….